У Мінску пачаўся масавы суд за ўдзел у акцыях пратэсту, піша праваабарончы цэнтр «Вясна».
Паводле звестак праваабаронцаў, 11 ліпеня ў судзе Заводскага раёна пачалі судзіць пяцярых чалавек: Ігара Дубоўскага, Сяргея Марушына, Леаніда Ціхановіча, Максіма Марцінчыка і Іллю Назарава.
Усіх іх абвінавачваюць па ч. 1 арт. 342 КК (Актыўны ўдзел у дзеяннях, якія груба парушаюць грамадскі парадак).
«Справу разглядае суддзя Алена Капцэвіч, на рахунку якой з 2020 года не менш за 39 палітычна матываваных прысудаў», — адзначаюць праваабаронцы.